Tahadhari ya Hali Mbaya ya HEWA na Mafuriko Yatolewa Uingereza

Mamlaka za Uingereza zimetoa tahadhari za mafuriko kwa siku zijazo kufuatia mvua kubwa inayoendelea kunyesha katika baadhi ya maeneo

Katibu wa Mazingira, George Eustice amesema japokuwa hawawezi kumuokoa kila mtu, Serikali imewekeza mabilioni ya pesa katika miundombinu ili kukabiliana na mafuriko hayo

Mvua hizo ambazo zimesababishwa na Kimbunga Dennis zimedumu kwa takriban saa 48, zikiwa zimeambatana na upepo mkali

Japokuwa hatari ya Kimbunga hicho imepita, Wataalamu wameonya kuwa huenda hali ya mvua na upepo ikaendelea wiki hii

Kimbunga Dennis kimekuja takriban wiki moja baada ya Kimbunga Ciara kuleta madhara makubwa katika baadhi ya maeneo ya Uingereza