Maalim Seif "Lowassa Alikuwa na Sababu za Kurudi CCM, Hakupata Alilotegemea"

Mwenyekiti wa Chama Cha ACT-Wazalendo, Maalim Seif Sharif Hamad amesema yeye hawezi kumhukumu Lowassa kwa uamuzi wake wa kuondoka upinzani na kurudi CCM ingawa anakiri amewaumiza na kuwaangusha wapinzani kwa uamuzi wake huo

Amesema, Waziri Mkuu huyo wa zamani alikuwa na sababu nyingi za kumfanya arudi CCM ikiwa ni pamoja na msukumo wa familia lakini pia kutotendewa vema na chama hicho kikuu cha upinzani (CHADEMA)

Amefafanua kuwa Lowassa ni tofauti na yeye kwakuwa yeye ameweza kuvumilia mikikimikiki na matokeo ya kuwa mpinzani ila Lowassa alitoka kuwa Waziri Mkuu na kuna mambo aliyategemea Upinzani lakini hali ikawa tofauti na matarajio

Amenukuliwa akisema “Na ninavyosikia mimi familia yake ilimshinikiza, kwamba kuna mmoja kati ya wakwe zake alikuwa gerezani na watoto wake walikuwa wanamwambia ‘baba unaona… ndugu yetu sisi anapata shida kwa sababu wewe uko upinzani.’ Kwahiyo, lile shinikizo la familia lilikuwa kubwa sana"