Msanii na Diwani wa Mwanga Kaskazini, Manispaa ya Kigoma Ujiji kupitia chama cha ACT Wazalendo, Baba Levo, amesema amepanga kuwa Mbunge ila hawezi kushindana na Zitto Kabwe, kwa sababu ndiyo mtu anayeshikilia jimbo lake kwa sasa.
Akipiga stori na EATV & EA Radio Digital, Baba Levo amesema ili aweze kuwa Mbunge basi Zitto Kabwe asigombee kwa sababu hawezi kuwa mshindani wake kugombania sehemu moja.
"Nimepanga kuwa hivyo ila hadi mimi kugombea Ubunge labda Zitto Kabwe awe hagombei kwa sababu siwezi kuwa mshindani wake, mtu pekee ninayeweza kumvumilia ni yeye, kama ataendelea nitamsapoti au akimaliza itabidi mimi nikanyage pale kwake, maana hakuna anayeniweza Kigoma" ameeleza Baba Levo.
Pia ameongeza kusema "Sitaki kuleta ushindani naye kwa sababu naona yeye ni bora kuliko mimi, kwanini ushindane na mtu anayekuzidi, ninavyoona uwezo wake na mambo anayoyafanya Kigoma ni mazuri, lengo letu ni kutengeneza na kuuinua mji wetu".
.jfif)
.jpg)
