Virusi vya corona: Maradona Atoa Ushauri Huu Kwa Wachezaji

Gwiji wa soka wa Argentina Diego Maradona amefunguka na kutoa mawazo kwa mastaa wa soka kuwa huu ndio wakati sahihi katika maisha yao kutoa sehemu ya utajiri wao kusaidia kupambana na virusi vya corona.

Maradona kafika mbali zaidi kwa kusema kuna baadhi ya wachezaji hawastahili hata kulipwa mshahara wakati huu wa janga la corona lakini pia amevikosoa baadhi ya vilabu vinavyo wachukulia wachezaji wao kama watumwa.

“Kuna baadhi ya wachezaji ambao hata hawastahili kulipwa (wakati huu wa corona), hiyo ni kweli na wote tunajua hilo lakini kuna wachezaji pia ambao hawawezi kucheza bure hata kwa mwezi mmoja vilabu vinapaswa kuwalipa” - Maradona

”Lakini kuna baadhi ya club ambazo kwa sasa zinafanya ujinga zinataka kutumia haya majanga (corona) kama njia ya kutowalipa wachezaji wake, wanawachukulia wachezaji kama watumwa kwa miaka, inaonekana kama kuna baadhi ya vilabu siku zote kama kuna gonjwa la mlipuko vile” -Maradona