Mdude Aendelea Kushikiliwa na Polisi Anatuhumiwa Kwa Makosa ya Mtandaoni

Mkurugenzi wa Mawasiliano, Itikadi, Uenezi na Mambo ya Nje wa Chadema, John Mrema, amesema Nyagali Mdude alikamatwa na polisi Mei 10, 2020 na alituhumiwa kwa makosa ya uchochezi mtandaoni.

Nyagali ni mfuasi wa Chadema na anajulikana zaidi kwa jina la Mdude Chadema na alishawahi kutekwa na watu wasiojulikana mwaka 2019.

Mrema amesema jana polisi walienda kufanya upekuzi nyumani kwake na dalili zinaonyesha kosa la mtandaoni.

“Jana polisi walikwenda kufanya upekuzi nyumbani kwake na dalili zilionyesha kosa la mtandaoni sio kinachopekuliwa kwa taarifa za mashuhuda. Tumuombee,” aliandika Mrema katika ukurasa wake wa twitter