Rapa Roma ameeleza kushangazwa na kitendo cha video ya wimbo wao mpya na Stamina ‘Kaka Tuchati’ kupata changamoto ya idadi ya waliotazama (viewers) kupanda na kushuka kwenye mtandao wa YouTube.
Ijumaa ya wikiendi iliyopita kundi hilo la #Rostam ambalo linaundwa na Roma na Stamina liliachia video hiyo na ndani ya saa kadhaa ikaweza kukamata nafasi ya kwanza (Trending) kwenye mtandao huo.
Tatizo la kupanda na kushuka kwa views, #Roma amesema haamini kama kuna mtu anawachezea mchezo ila kitu kilichowashangaza na kuwaumiza tena sasa. Kupitia ukurasa wake #Instagram ameandika;
-
"Lengo Letu Lilikuwa Ni Kuweka Record Ya Kufika Mpaka Views 1M Within 24Hrs (1 Day) Na ilikuwa INAWEZEKANA KABISA (Hasa Kwa Wimbo Huu)
Wa KAKA_TUCHATI. Lakini Kwa Yanayoendelea Mtandaoni (YouTube) Ninasikitika Kusema Tumekutana Na Changamoto Sana Kuiweka Record Hii. Hii Ni Kwasababu Viewes Wamekuwa Wakipunguzwa Kila Saa, Kila Dakika, Na Tumepokea Malalamiko Mengi Kutoka Kwa Baadhi Ya Mashabiki Wanaofatilia Wakililalamikia Hili."
-
Utakumbuka msanii Alikiba amekuwa muhanga mkubwa sana katika hilo, video za nyimbo zake kama Mvumo wa Radi, Kadogo na Dodo ziliwahi kukumbwa na changamoto hiyo na yeye kueleza malalamiko yake, huku wataalamu wakisema hakuna mtu binafsi anayeweza kufanya hivyo isipokuwa YouTube wenyewe kwa sababu zao za kitaalamu zaidi ili kuongeza ueledi.
.jpg)
