Chadema "Hatuma Imani na Uchunguzi wa Polisi Kwenye Tukio la Mbowe

Chama cha Demokrasia na Maendeleo (CHADEMA) kimesema hakina imani na uchunguzi unaofanywa na Polisi kuhusiana na tukio la Mwenyekiti wake, Freeman Mbowe

Kimedai shambulizi la Mbowe linashabihiana na alilofanyiwa Makamu Mwenyekiti Bara, Tundu Lissu, na kwamba tofauti ni kiwango cha madhara

Hivi karibuni Jeshi la Polisi kupitia kwa msemaji wake, David Misime, lilitoa ripoti inayoonesha kuwa Mbowe hakushambuliwa kama inavyodaiwa bali alianguka kutokana na kulewa

Katibu Mkuu wa CHADEMA, John Mnyika, amesema chama kinaendelea kutafakari hatua za ziada za kuchukua na kuutaka umma upuuze njama alizodai zinatumika kuhalalisha kauli za uongo kipindi hiki cha Uchaguzi

Amesema, “Kipimo cha ulevi ni suala la kitabibu, ajitokeze daktari aliyempokea Mbowe na kumpima na Polisi itoe ushahidi wa ‘CCTV’ kuthibitisha madai kwamba alianguka akiwa amelewa.”

Ameongeza, “Tulidhani Polisi itaendesha uchunguzi huu kitaalamu, kauli ya IGP (Mkuu wa Polisi, Simon Sirro) inaashiria bado Jeshi linajihusisha katika propaganda hasi."