Msanii wa BongoFleva Madee Seneda, ameitetea timu yake ya Yanga baada ya kuchezea kichapo kutoka kwa KMC, kwenye mchezo wa mechi ya kirafiki uliochezwa siku ya jana Juni 8, 2020, kwa kusema wao wame-focus zaidi kwenye ligi kuu.
Msanii wa HipHop na shabiki wa timu ya Yanga
Akipiga stori na EATV & EA Radio Digital Madee amesema "Nahisi Yanga tume-focus sana kwenye ligi, wachezaji walikuwa wamekaa kwa kipindi kirefu ndani hadi wengine tumeambiwa wameongezeka uzito na hawajaweza kuwa sawa, chochote kingeweza kutokea sio zile 3 wangeweza kufungwa hata 9, mchezo wa mpira wachezaji wasipocheza kwa pamoja kwa wiki mbili ni tatizo" ameeleza Madee.
"Kwa game ya jana siwezi nikailaumu Yanga na siwezi nikasifia KMC, kwa sababu ni mechi ya kirafiki hakuna mtu anayeweza kukurukia kwenye miguu ili achukue mpira kwa sababu kuna michezo muhimu mingine, ila ikitokea kwenye game ya ligi kama tukifungwa tena nitaeleza vizuri" ameongeza.
.jpg)
