Rais Magufuli Amesema Kazi ya Urais ni Ngumu na ina Mateso Sana

Rais John Magufuli amewahakikisha watanzania taifa linakwenda vizuri na kuwataka kutembea kifua mbele huku akiomba muendelee kumuombea.

Rais Magufuli amesema anawapenda Watanzania huku akisema kazi aliyonayo ni ngumu na ina mateso.

“Nataka kuwahakikishia Watanzani ninawapenda na pia nataka kuwahakikishia kuwa hii kazi ni ngumu sana  ina mateso sana  inahitaji sala, inahitaji dua, inahitaji nguvu za mwenyezi Mungu hasa katika kuwatumikia Watanzania wote ninawaomba muendelee kuniombea na mimi naendelea kuwaombea kwa mwenyezi Mungu,” amesema Rais.

Aliongezea kuwa: “Naomba muendelee kuniombea  nisije nikawa nakiburi, nisije kuwa na jeuri nikawe mtumishi wa kweli kwa Watanzania wote  bila kuwabagua kwa rangi zao au dini zao au makabila yao nikatimize wajibu wangu katika kipindi ambacho kimepangwa kwenye katiba ili kusudi baada ya hapo tuwaachie wengine  ambao watakuja nao  watimize wajibu wao,”.