Rais Magufuli "Hata Corona Ikikaa Miaka 10, Sitakosa Mshahara wa Kuwalipa Walimu"

Rais wa Tanzania, Dkt. John Magufuli amesema #CoronaVirus ikikaa nchini mwaka mzima au miaka 10 hatakosa mshahara wa kuwalipa walimu hata wakiwa nyumbani

Rais Magufuli amesema hayo leo jijini Dodoma katika Mkutano Mkuu wa Uchaguzi wa Chama Cha Walimu Tanzania (CWT) ambapo alikuwa mgeni rasmi. Ameongeza kuwa, jambo hilo lisitafsiriwe kama kampeni bali anazungumza ukweli

Amesema, ''Mimi nilikuwa Mwalimu pia, siwezi kuwatupa Walimu wa Tanzania, kuwakana Walimu ni kujikana nafsi yangu kitu ambacho siwezi kufanya, hivyo hatuwezi kufanya kazi kwa uhasama na uadui''

Mkutano huo umehudhuriwa na viongozi mbalimbali wakiwamo Waziri Mkuu Kassim Majaliwa, Waziri wa Elimu Prof. Ndalichako, na Spika wa Bunge Job Ndugai

#MagufuliMkutanoCWT