Msuva Aongeza Mwaka Morocco...Thamani yake Yashuka

WINGA wa kimataifa wa Tanzania, Simon Msuva ameongeza mkataba wa mwaka mmoja kuendelea kuitumikia klabu ya Difaa El Jadida inashiriki Ligi Kuu ya Morocco ‘Botola Liague’.

Msuva kwa sasa thamani yake imeporomoka kutoka euro 700,000 (Sh bilioni 1.5) katika viwango vilivyotoka Desemba, mwaka jana na Mtandao wa Transfermakt hadi kufikia euro 550,000 (Sh bilioni 1) katika viwango vilivyotoka Aprili 8, mwaka huu.

Msuva alijiunga na Difaa El Jadida mwaka 2017 kwa mkataba wa miaka mitatu ambapo umefikia tamati Desemba, mwaka jana kabla ya kuongeza mkataba mpya.

Kwa mujibu wa Mtandao wa Transfermakt, Msuva amesaini mkataba wa mwaka mmoja ambao unatarajia kufikia ukingoni Juni 30, 2021

Stori: Ibrahim Mussa,Dar es Salaam