Tranfoma ya Shirika la Umeme Tanzania TANESCO iliyopo eneo la Karikaoo Barabara ya Msimbazi jirani na Ofisi za Startimes imelipuka na kusababisha kuungua kwa mali za wafanyabiashara wadogo maarufu kama machinga pamoja na kuteketeza pikipiki moja iliyokuwa imepaki chini ya Transfoma hiyo.
Baadhi ya wafanyabiashara waliokuwa eneo hilo wamedai kuwa chanzo cha Moto huo ni kunguru ambaye alitua na kugusanisha nyaya ambazo zilianza kutoa moto na kusababisha kulipuka kwa tranfoma hiyo na kuteketea kabisa.
Kamanda wa jeshi la zimamoto wilaya ya ilala mkaguzi Msaidizi Abdallah Ali Ogutu amesema walifika eneo hilo na kufanikiwa kuzima moto huo lakini bado wanaendelea kuchunguza chanzo cha tranfoma hiyo kulipuka.
.jpg)
.jfif)
.jpg)