Dora Kemunto ni miongoni mwa waliojibadilisha kutumia dawa nyingi zinazouzwa ili kuongeza sehemu mbalimbali katika miili ya wanawake ili kuwavutia wanaume. Baada ya kuarifiwa na rafiki yake kuhusu dawa ya kuzidisha ukubwa wa makalio yake na kiuno. Alipewa mseto wa tembe na kemikali ambazo alitakiwa kupaka katika sehemu ya kiuno ili kuipanua sehemu hiyo. Baada ya miezi miwili alifaa kuona mabadiliko lakini kilichotokea kilimshangaza na kumpa hofu. Sehemu yake moja ya kiungo ilianza kuwa kubwa kuliko ya pili na umbo lake likajipinda akawa kama mlemavu.
Pia sehemu yake moja ya makalio ilikuwa kubwa kuliko nyingine. Hatua hiyo ilimfanya kwenda hospitalini lakini madaktari wakasema dawa alizopewa zilikuwa na kekimali mbaya ambazo zilichoma sehemu ya mafuta na nyama za mwili wake na hivyo basi kumpa ulemavu. Alitakiwa kufanyiwa upasuaji ambao hauwezi kutekelezwa humu nchini na anahitaji shilingi milioni nne kwenda Brazil ambako wana uwezo wa kumfanyia upasuaji wa kulirekebisha umbo lake.
Dora anashangaa mbona dawa hizo zilimharibikia ilhali aliyempa amezitumia kwa muda mrefu na hajawahi kuharibikiwa au kulalamika. Madaktari wamemwambia kwamba kuna hatari nyingine za kiafya ambazo huenda atazipata siku zijazo kwa sababu dawa hizo zina kemikali zinazopenyeza hadi katika sehemu nyingine muhimu za mwili kama vile moyo na mishipa. Dora amejaribu kupata usaidizi kutoka kwa waliomuuzia dawa hiyo lakini wamemkwepa huku mmiliki wa duka alikonunua mchanganyiko huo akidai kwamba Dora anafaa kujilaumu kwa sababu hakufuata maagizo ifaavyo wakati akizitumia dawa hizo.
.jpg)
