ACT-Wazalendo Waandika Barua Kwa Msajili Kuhusu Kukoma Kikatiba Kwa Uanachama wa Zitto Kabwe na Maalim Seif

 

Wanachama wa ACT-Wazalendo, Crytus Adrian Kabete na Nasma Ramadhan Assedy wamemuandikia barua Msajili wa Vyama kuhusu Zitto Kabwe na Maalim Seif kukosa sifa za kuwa wanaACT-Wazalendo

Wanachama hao wa ACT-Wazalendo wamesema Maalim Seif na Zitto wamekosa sifa ya kuwa wanachama kwa kuwa Katiba yao Ibara ya 13 (4) ambayo inasema Mwanachama atapoteza sifa akiunga mkono chama kingine

Wamesema maamuzi ya ushirikiano na Vyama vingine vya Siasa kwa mujibu wa Katiba ya ACT-Wazalendo ni lazima ufanywe na Mkutano Mkuu wa Taifa na chombo hicho hakiwezi kukasimisha madaraka hayo kwa chombo kingine

Wameandika kuwa, katika mambo ambayo Zitto na Maalim wamefanya hakukuwa na Mkutano Mkuu wa Taifa uliofanyika