Ukizungumzia No. 1 Tv show ya udaku ambayo ilipata mashabiki wa kila rika nchini miaka michache nyuma huwezi acha kuitaja SHILAWADU ikisimamiwa na vijana wawili wenye vinasaba vya umbea uliokithiri yani @soudybrown pamoja na @kamandamzeemkavu (KWISA).
SHILAWADU ilikuwa ni maboresho ya kipindi chao cha D'Weekend Chat show, (kama sijakosea jina la kipindi), Shilawadu ikabamba Soudy na Kwisa wakizidi kutrend mjini hadi pale mwaka 2019 ilipokuja kuwa exclusive kuwa wawili hawa hawako sawa tena. Japo mwaka 2020 walijaribu kurudi na Shilawadu Extra Kwenye Maisha Magic Bongo ila dizaini kama ikashindikana na Kwisa akipindukia kwenye kipindi cha ICU huku Soudy akiungana na Mwijaku kwenye Wazee wa Mbanga (Shilawadu iliyokuwa modified).
Hii leo Kwisa akiwa kwenye Leo Tena ya Clouds Fm amedai bado Soudy ni rafiki yake japo hawafanyi kazi pamoja na ni kweli tofauti baina yao ziliwahi tokea japo hazikuwa kubwa. Pia mzee mkavu amedai anaanda Documentary ya maisha yake na huko ndani Soudy Brown yupo, hivyo kwenye maisha yake, Soudy hakwepeki.
.jpg)
