Walinzi wa Naibu Rais William Ruto walikuwa na kibarua katika eneo la Narumoru Jumapili Septemba 5 baada ya kundi la wakazi kushambulia msafara wake.
Kieni: Msafara wa DP Ruto Washambuliwa na Wakazi Eneo la Narumoru
Wakazi wa Kieni walipozuia msafara wa naibu rais William Ruto na kuushambulia kwa mawe. Picha: UGC
Huku wakiwa wamejihami kwa mabango, wakazi waliimba nyimbo za kumsifu Rais Uhuru Kenyattaa huku wakikashifu DP.
Video ya hali ilivyokuwa imeonyesha wakazi wakirushia magari mawe na kulazimu DP kuondoka kwa kasi.
Wengine waliimba nyimbo za kumdhihaki na kusema hawamtaki katika eneo hilo alipokuwa kuhudhuria ibada ya kanisa.
Kieni: Msafara wa DP Ruto Washambuliwa na Wakazi Eneo la Narumoru
Gari la DP Ruto lilipokuwa likijaribu kuhepa kundi la wakazi waliomkemea. Picha: UGC
Ziara hiyo ya DP ilikubwa na sarakasi za kila aina ikiwamo baadhi ya kanisa kudinda ahudhurie ibada yao.
Kwa mujibu wa duru za kuaminika, DP alikuwa awali ahudhurie ibada katika kanisa la PCEA Mbiriri lakini wakamfahamisha kuwa wamebadili msimamo na hawataweza kumpokea.
Hali Tete Kieni Mkutano wa DP Ruto Ukivurugwa na Polisi
DP aliishia kupanga kuhudhuria kanisa la Full Gospel baada ya kanisa zingine kadhaa kumwarifu kuwa 'ni kubaya'.
Wandani wake wanasema 'Deep state' imeanza kutoa amri kwa makanisa wasidhubutu kumruhusu DP kuhudhuria ibada zao.
Kieni: Msafara wa DP Ruto Washambuliwa na Wakazi Eneo la Narumoru
Babarabara za kuelekea kanisa la Full Gospel Mbiriri zilikuwa zimefungwa kwa mchanga ili DP asiweze kupita. Picha Joash Maina
Awali barabara ya kuelekea katika kanisa la Mbiriri Full Gospel ilifungwa kwa malori ya mchanga ili iwe tatizo kwa magari ya msafara wa DP kupita.
Ililazimu wafuasi wa DP pamoja na polisi kuondoa vikwazo hivyo ili kuwezesha magari kupita.
Katika uwanja ulio mkabala na kanisa hilo la Mbiriri Full Gospel Kieni, polisi walizuia wafuasi wa UDA kuweka hema.
"OCS ametuambia amepokea amri kutoka juu kuwa mkutano huu usifanyike. Lakini hatubanduki, tunatii sheria lakini hatuondoki. Wakitufinya sana, tutafanya kama kiongozi wetu William Ruto na kuwaachia Mungu," mmoja wa vijana waliokuwa watekeleze hilo alisema.
.jpg)
.jfif)