RAPA maarufu Duniani, Kanye Omari West almaafuru ‘Ye’, amezua gumzo kwenye mitandao ya kijamii baada ya kusambaa kwa picha yake ikimuonesha amenyoa hovyohovyo.
Mtindo huo mpya wa unyoaji umeibua mjadala mkubwa huku mwenyewe aki-upost kwenye kurasa wake rasmi wa Instagram kuutambulisha duniani.
Mapema jana Oktoba 18, 2021 zilianza kusambaa mitandaoni piha zake zikimuonesha ‘Ye’ akiwa katika mizunguko yake ya kila siku huko Chini Marekani huku kichwani akionekana kama mtu aliyenyolewa hovyo hovyo, Kibongobongo.
Lakini kubali ukatae, kiuhalisia hiyo ndio staili mpya ya kunyoa ya msanii huyo, ambaye kupitia ukurasa wake wa mtandao wa Instagram Kanye West aliweka picha inayomuonesha akiwa ameipa kisogo kamera ikiwa ni sehemu ya kuunadi mtindo huo mpya kwa wafuatiliaji wake kote duniani.
Lakini ikumbukwe pia kuwa, Mahakama nchini Marekani imeridhia Kanye West kubadili rasmi jina lake na sasa atatambulika kwa jina la YE.
Una mtazamo gani kuhusu muendelezo wa matukio ya Kanye, hasa katika mitindo ya mavazi na unyoaji aliouibua hivi sasa?
.jpg)
