MENEJA wa wasanii wa Bongo Fleva, Said Fella ‘Mkubwa Fella’ amevunja ukimya kuhusu bifu la wasanii Mbosso na Aslay kwamba hawana maelewano mazuri.
Mkubwa Fella ambaye pia ni meneja wa Yamoto Band anasema kuwa, kwa upande wake haoni kama kuna mgogoro wowote kati ya wasanii hao.
Kwa mujibu wa Mkubwa Fella, mashabiki ndiyo huwashindanisha wasanii hao wawili.
“Ukiona hivyo kuna mashabiki tu wanaongea tu kwenye midomo, lakini mi’ naamini wale wote ni ndugu na wamezaliwa kwenye koo moja.
“Kwa sababu mwisho wa siku sasa hivi Mbosso ana management yake, halafu ukiangalia na Aslay ana management yake, lakini mwisho wa siku wao wafanye kazi mambo yaende, anasema Mkubwa Fella.
Mkubwa Fella ambaye pia ni mmoja wa wasimamizi wa mwanamuziki Diamond Platnumz anawataka Aslay na Mbosso waendelee kufanya kazi na ikibidi watoe ngoma ya pamoja.
“Kuna siku wakae na wenyewe waangalie wafanye kitu kimoja kwa pamoja ukiangalia Beka yuko smart ukiangalia na Enock yuko smart wao nao wawe ma-smart wawili, wafanye kitu cha pamoja inatosha,” anamalizia Mkubwa Fella.
Yamoto Band ilikuwa maarufu mno kati ya mwaka 2013 hadi 2017 ilipovunjika.
.webp)
.jpg)
