Waziri wa Utamaduni, Sanaa na Michezo Mhe. Innocent Bashungwa amekutana na muigizaji maarufu wa filamu mbalimbali kutoka Nchini India Sunjay Dutt na kumuomba kushiriki katika moja ya filamu zinazotengenezwa na waigizaji wa filamu hapa nchini kama sehemu ya kuwaachia ujuzi wazawa na kuitangaza Tanzania kimataifa.
Waziri Bashungwa amekutana na Sunjay Jijini Dar es Salaam Novemba 6 2021, ambapo amemwelezea nia ya Wizara yake kuwa, ni kuhakikisha inawakutanisha wasanii wa filamu, Muziki, na Mitindo wa hapa nchini na wasanii wa kimataifa waliofanikiwa kupitia tasnia hizo ili kuwapa mwanga na ujuzi zaidi katika kutengeneza kazi zenye ubora wa kushindana katika soko huria.
Mbali na kumwomba kuigiza sehemu ya filamu na wasanii wa filamu wa hapa nchini, Waziri Bashungwa amemuomba mwigizaji huyo nguli kumkutanisha na wasanii wa filamu siku ya jumatano Novemba 10, 2021 ili kumpa nafasi ya kuzungumza na wasanii mbalimbali wanaovutiwa na nyendo zake katika ulinwengu wa filamu.
Sunjay ambaye alipata umaarufu mkubwa duniani kupitia filamu zake mbalimbali akiwa ameigiza zaidi ya filamu 150 amekubali maombi yote ya Waziri Bashungwa akisema kushirikiana na wasanii wenzake wa filamu watanzania katika kuitangaza Tanzania ni jambo jema ambalo binafsi amevutiwa nalo.
.webp)
.jpg)
