Barcelona kushiriki kombe la Europa kwa mara ya kwanza katika muda wa miaka 20 baada ya kung’olewa klabu bingwa katika awamu ya makundi
Klabu hiyo ya Uhispania ilihitaji ushindi dhidi ya miamba Bayern ili kufuzu kwa raundi ya 16 bora lakini ikapoteza 3-0
Barcelona ilibanduliwa kutoka kombe la klabu bingwa baada ya kumaliza ya tatu kundi E kwa alama saba
Klabu ya Barcelona itashiriki kombe la Europa kwa mara ya kwanza katika muda wa miaka 20 baada ya kubanduliwa kutoka kombe la klabu bingwa katika hatua ya malundi.
Barcelona Yafukuzwa Hadi Europa Kwa Mara ya Kwanza Katika Muda wa Miaka 20
Kichapo cha 3-0 dhidi ya Bayern kiliidondosha Barcelona hadi kombe la Europa kwa mara ya kwanza katika muda wa miaka 20. Picha: Sven Hoppe
Klabu hiyo ya Uhispania ilielekea katika mchuano wake wa mwisho kundi E ikihitaji ushindi Allianz Arena nyumbani kwa miamba Ujerumani Bayern Munich ambayo ilikuwa imewatandika 3-0 katika mechi ya ufunguzi ya makundi Septemba 14 ugani Camp Nou.
Mambo hata hivyo hayakuwa mazuri licha ya kocha mpya Xavi Hernandez kusisitiza kuwa Barca ilikuwa na uwezo ya kumpiga yeyote na kokote, huku klabu hiyo ikiwa imeshinda tu mechi mbili kati ya tano ilizokuwa imechekza katika awamu ya makundi.
Mwanamke Kutoka Nyeri Afariki Dunia Kanisani Mombasa Akisubiri Maombi ya Pasta
Licha ya kuwa imefuzu tayari kwa raundi ya 16 bora, Bayern ilinuia kumuua nyani na hivyo ilidinda kabisa kumwangalia usoni hata kwa sekunde moja.
Thomas Muller na Leroy Sane walicheka na wavu katika kipindi cha kwanza huku Jamal Musiala akipigilia msumari wa mwisho kwa jeneza la Barcelona katika kipindi cha pili na kuwaacha na maumivu ya kipigo cha 3-0, sawa tu na ilvyokuwa miezi mitatu iliyopita chini ya kocha Ronald Koeman.
.jpg)
