Mkenya Afariki Siku Kumi Tu Baada ya Kuwasili Saudi Arabia Kufanya Kazi ya Usafi

Lucy Wanja aliondoka nchini kufanya kazi ya usafi Saudi Arabia Septemba 12, 2021, fursa aliyoiona kuwa ukurasa mpya katika maisha yake

Siku 10 tu baada ya Wanja kutua Uarabuni, familia yake ilipokea ripoti kuwa mwanao alikuwa hali mahututi

Ripoti kinzani kuhusu kifo cha mwanao zimewapa msukumo wa kubaini ukweli kuhusu kifo cha mwanao Wanja

Familia moja mjini Mombasa inaomboleza kifo cha mwanao kilichotokea siku kumi tu baada ya kutua nchini Saudi Arabia kufanya kazi ya usafi.

Mkenya Afariki Siku Kumi Tu Baada ya Kuwasili Saudi Arabia Kufanya Kazi ya Usafi

Lucy Wanja alifariki siku kumi baada ya kuwasili nchini Saudi Arabia Source: UGC

Lucy Wanja mwenye umri wa miaka 35 alifunga safari ya kuelekea Uarabuni Septemba 12, 2021 kwa lengo la kutengeneza kipato baada ya nafasi hiyo kumponyoka kwa miaka mingi.

Gazeti la Nation linaarifu kuwa siku kumi baada ya kuwasili katika eneo ambalo lilikisiwa kuwa ukurasa mpya na wenye fanaka katika maisha yake, familia ya Wanja ilijulishwa kuwa mwanao alikuwa katika hali mahututi baada ya kuanguka bafuni akioga.

Lakini walipoanza kupokea ripoti kinzani kuhusu kifo cha mwanawe, wakawa na maswali yaliyohitaji majibu.