MBUNGE wa Kuteuliwa (CCM) nchini Tanzania, Humphrey Polepole amedai, kuvamiwa nyumbani kwake jijini Dodoma na watu wasiojulikana kisha kuiba televisheni. Anaripoti Mwandishi Wetu, Dodoma … (endelea).
Video fupi aliyerekodi mwenyewe na kuiweka kwenye akaunti yake ya Instagram usiku wa leo Jumapili, tarehe 12 Desemba 2021, inaonesha jinsi watu hao walivyovuruga vuruga ndani mwake.
Katika video hiyo, Polepole anasikika alisema “nimefika Dodoma, nikitokea Manyara katika kambi ya vijana, nimekuta nyumba yangu wameingua watu, wameboa, wamepekua pekua vitu, wameangalia chini ya godoro chumbani kwangu na kuiba TV.”
Katibu huyo wa zamani wa itikadi na uenezi wa CCM amesema “Mimi namshukuru Mungu sana na ninawashukuru sana na leo wefika nyumbani.”
Polepole amesema, “nakwenda kuripoti polisi. Yeyote aliyefanya haya Mungu atanilipia.”
.jpg)
