MTENDAJI Mkuu wa Yanga, Senzo Mbatha, amewashusha presha mashabiki wa timu hiyo kuelekea kwenye
mchezo wa Ligi Kuu Bara dhidi ya Simba unaotarajiwa kuchezwa leo Jumamosi, Uwanja wa
Mkapa huku akiweka bayana wataibuka na pointi tatu.
Yanga inayonolewa na Kocha Mkuu, Nasreddine Nabi ina kibarua cha kusaka ushindi kwenye mchezo wa Kariakoo
Dabi ukiwa mchezo wa kwanza kukutana kwa msimu huu kwenye ligi.
Akizungumza na Championi Jumamosi, Senzo alisema kuwa haipaswi kwa mashabiki wa timu hiyo kuwa na presha
na timu yao kwa kuwa ina wachezaji wazuri na mechi zote kwenye ligi ni sawa.
“Hakuna sababu ya kuwa na presha unajua mchezo wetu wa ligi dhidi ya Simba ni sawa na mechi nyingine ambazo tumecheza.
“Kuelekea katika mchezo wetu dhidi ya Simba, tunahitaji kuona tunapata matokeo mazuri ili tuweze
kushikilia ambapo tupo.
“Utakuwa mgumu kulingana na ukubwa wa mchezo husika, huu ni mchezo mkubwa kwa Afrika, hivyo
hata sisi viongozi tunauchukulia katika ukubwa huo, ndio maana tunatamani kuwa washindi,” alisema Senzo.
.webp)
.jpg)
