BINGWA mara saba wa taji la soka kwa Mataifa ya Afrika (AFCON), Misri imefuzu katika hatua ya 16 bora, baada ya kuwafunga Sudan bao 1-0 katika mechi yake ya mwisho ya Kundi D.
Timu nyingine katika kundi hilo, Nigeria imemaliza katika nafasi ya kwanza ikiwa na alama tisa na kufuzu baada ya kuifunga Guinea Bissau 2-0.
Mataifa mengine yaliyofuzu katika hatua ya 16 ni pamoja na wenyeji Cameroon, Burkina Faso, Gabon, Senegal, Cape Verde, Guinea, Morocco na Malawi.
Ratiba ya hatua ya 16 bora ya mashindano iliyotoka jana jioni ipo kama ifuatavyo, huku hatua hiyo ikitarajiwa kuanza kesho.
Burkina Faso vs Gabon
Nigeria vs Tunisia
Guinea vs Gambia
Cameroon vs Comoros
Senegal vs Cape Verde
Morocco vs Malawi
Ivory Coast vs Misri
Mali vs Equatorial Guinea
