MARIO Balotelli ameitwa kwenye kikosi cha Italia kwa ajili ya kambi ya mazoezi ya siku tatu pamoja na Joao Pedro ambao ni sura mpya ndani ya kikosi hicho cha kocha, Roberto Mancini.
Balotelli hajaichezea timu hiyo ya taifa kwa miaka mitatu, lakini kurudi kwenye kiwango chake kumemfanya aitwe katika kikosi cha wachezaji 35 kinachoanza kambi leo Jumatano hadi Ijumaa pale Coverciano.
Mchezaji huyo mwenye umri wa miaka 31, amefunga mabao tisa kwa kikosi chake cha Adana Demirspor tangu alipojiunga na miamba hao wa Ligi Kuu ya Uturuki Julai mwaka jana, yakiwamo matatu kwenye mechi nne zilizopita.
Wazaliwa wa Brazil, Joao Pedro na Luiz Felipe ni miongoni mwa wachezaji saba walioitwa ambao hawajawahi kuichezea timu hiyo wameitwa na Mancini ikiwa ni miezi miwili kabla ya kuikabili Macedonia Kaskazini kwenye mchezo wa kapu la kufuzu Kombe la Dunia.
Marco Carnesecchi, Giorgio Scalvini, Nicolo Fagioli, Davide Frattesi na Samuele Ricci pia wameitwa kwa mara ya kwanza kwenye kikosi hicho.
Azzurri watacheza na Macedonia Machi 24, mwaka huu kwenye Uwanja wa Renzo Barbera.
Kama wakishinda watacheza kati ya Ureno na Uturuki ili kujihakikishia nafasi ya kufuzu kwenda Kombe la Dunia nchini Qatar baadaye mwaka huu.
.jpg)
.jfif)
.jpg)