Mshambuliaji wa Liverpool, Mohamed Salah ameiongoza Egypt kwa mara nyingine kuhakikisha wanatinga hatua ya nusu Fainali. Katika mchezo huo Mafarao hao wa Misri walitoka nyuma na kuibuka na ushindi wa Magoli 2-1 baada ya muda wa nyongeza.
Morocco ndio waliokuwa wa kwanza kupata goli kwa mkwaju wa penati uliowekwa kimiani na S. Boufal dakika ya 7 ya mchezo.
Morocco walikwenda mapumziko wakiwa kifua mbele lakini kipindi cha pili Mafarao wa Misri walikuja kivingine na Mohamed Salah aliwasawazishia Misri dakika ya 53 na kufanya mchezo huo kumalizika kwa sare ya goli 1-1.
Mchezo uliongezwa dakika 30, ambapo Salah kwa mara nyingine akatoa pasi ya goli la ushindi kwa Trezeguet dakika ya 100. Egypt inakwenda kukutana na mwenyeji wa michuano hiyo, Cameroon katika mchezo wa nusu Fainali.
.jpg)
