Klabu ya Chelsea itakuwa ya kwanza katika Ligi Kuu ya Uingereza kutumia 'refa roboti watakapochuana kwenye Kombe la Dunia la Vilabu.
Chelsea kucheza na 'marefa roboti' kwenye Kombe la Dunia la Kalabu
Chelsea kucheza na 'marefa roboti' kwenye Kombe la Dunia la Vilabu. Picha: Chelsea/FIFA. Source: Twitter
Blues waliwapiga mahasimu wao Manchester City 1-0 katika fainali za mechi ya Klabu Bingwa Ulaya mjini Porto na watakuwa kwenye ziara ya kuenda kushiriki mchuano huo katika Mataifa ya Milki ya Uarabuni.
Hii itakuwa mara ya pili kwa Blues kushiriki mechi hiyo baada ya kupoteza awali dhidi ya Corinthians katika fainali mwaka 2012.
Kwa mujibu wa Football London, Shirikisho la Soka Duniani(FIFA), lataka kuzindua teknolojia mpya ya kutoa maamuzi ya mpira wa kuotea ambayo itaanza kutumika katika mtanange ujao wa Kombe la Dunia la Vilabu.
Read also
Magazeti Ijumaa: Kalonzo Musyoka Sasa Ndiye King Maker wa Agosti
Inaaminika kuwa teknolojia hiyo mpya itatumika kufanya maamuzi ya kuotea ndani ya nusu sekunde.
Mkurugenzi wa teknolojia na uvumbuzi wa FIFA, Johannes Holzmuller ameelezea kuwa:
"Mpira unapochezwa, programu ya AI ya wakati halisi inaweza kutuma ishara kiotomatiki kwa VAR."
"Tutakuwa na msaidizi aliyejitolea wa VAR ambaye anaweza kuchakata data ya kuotea na kusaidia kubaini kama mchezaji anayedhaniwa kuwa ameotea alikuwa hai na anaingilia uchezaji, ili waweze kuthibitisha haraka na kuthibitisha uamuzi."
Mfumo huo unalenga kupunguza muda wa kufanya maamuzi yenye utata.
FIFA pia inataka kupewa kibali cha kutumia teknolojia hiyo kwenye mchuano wa Kombe la Dunia ambao utaandaliwa nchini Qatar mnamo Novemba 2022.
Katika mechi ya Kombe la Dunia la Vilabu, Chelsea itavaana na Al Jazira ama Al Hilal mnamo Februari 9, na kisha huenda kucheza fainali dhidi ya mabingwa wa Brazil, Palmeiras siku tatu baadaye.
.jpg)
.jfif)
