Kiungo Feisal Saalum Abdallah “Fei Toto” amerejea kwenye kikosi cha Young Africans, na kuanza mazoezi kuelekea mchezo wa Ligi Kuu Tanzania Bara dhidi ya Mbeya City, Jumamosi (Februari 05).
Kiungo alikosekana kwenye kikosi cha Young Africans kwa majuma matatu, kufuatia majeraha alioyapata kwenye michuano ya Kombe la Mapinduzi 2022, iliyofanyika mjini Unguja Visiwani Zanzibar.
Taarifa kutoka Young Africans zinaeleza kuwa ‘Fei Toto’ amepona majeraha na amekua sehemu ya kikosi kinachojiandaa na mchezo wa Ligi Kuu dhidi ya Mbeya City.
Kurejea kwa Feisal ni habari njema kwa kocha Nasreddine Nabi ambaye timu yake ilikosa huduma ya mchezaji huyo katika Michezo miwili ilyopita.
Mbeya City wanaoshika nafasi ya tatu katika msimamo wa Ligi Kuu tayari wako jijini Dar es salaam na jana Jumatatu (Januari 31) walicheza mchezo wa Kirafiki dhidi ya DTB inayoshiriki Ligi Daraja la Kwanza na kutoka sare ya 1-1, katika Uwanja wa Azam Complex Chamazi.
Hata Hivyo Kocha Mohammed Nabi alipata nafasi ya kwenda Uwanja wa Azam Complex Chamazi kushuhudia mchezo huo, ili kubaini sehemu ya mbinu zinazotumiwana Mbeya city.
.webp)
