Msemaji wa jeshi la Irak Yahya Rasool amesema idara ya ujasusi ya nchi yake ilitoa taarifa sahihi ambazo zilisaidia kujulikana alipo kiongozi wa kundi linalojiita Dola la Kiislamu, IS Abu Ibrahim al-Hashemi al-Quraishi ambaye Marekani ilitangaza kifo chake jana Alhamis.
Rais wa Marekani Joe Biden alisema kuwa mkuu wa kundi hilo la ugaidi alijiripua mwenyewe pamoja na familia yake, alipokuwa akikabiliwa na operesheni ya jeshi la Marekani ya kumkamata katika maficho yake kaskazini mwa Syria.
Kifo cha al-Quraishi ni pigo kubwa kwa juhudi za IS kujipanga upya na kuendesha vita vya mashambulizi ya kuvizia, baada ya kutimuliwa katika maeneo makubwa liliyokuwa likiyadhibiti.
.webp)
.jpg)
.webp)
