NDOTO ya Kylian Mbappe kujiunga na klabu ya Real Madrid sio siri tena, ile shauku yake ya kutaka kucheza kwenye timu hiyo ya nchini Hispania sasa inakwenda kutimia baada ya kuingia makubaliano ya awali, kwa mujibu wa Marca.
Baada ya miezi kadhaa ya tetesi kuhusu Mbappe wapi atakwenda akimaliza mkataba wake na Paris Saint Germain, sasa anajiandaa kuhamia kwenye klabu ya ndoto yake mwishoni mwa msimu huu kama mchezaji huru.
Kupatikana kwake huru hakutamfanya kuwa mchezaji wa bei chee la hasha, usajili wake kwenda klabu ya Real Madrid utamfanya kuwa mchezaji anayelipwa fedha nyingi zaidi kuliko mchezaji yeyote.
Awali, kulikuwa na taarifa kuwa Mbappe alikuwa anafikiria kuongeza mkataba na miamba hiyo ya Jiji la Paris kwa kusaini mkataba wa muda mfupi, lakini inaonekana kuwa hilo limetupiliwa mbali.
Mbappe alijiunga na PSG mwaka 2017 akitokea klabu ya As Monaco kwa usajili wa mkopo kabla ya kusajiliwa moja kwa moja na klabu hiyo.
.jfif)
.jpg)
