Pasta maarufu kutoka nchini Uganda anakabiliwa na kesi nzito ya talaka iliyowasilishwa kortini na mke wake ambaye wamekuwa pamoja kwa miaka 15 akitaka kupewa kiasi kikubwa cha mali yake.
Pasta Isaac Kiwewesi na mke wake wamekuwa pamoja katika ndoa kwa miaka 15 na sasa mke wake anataka kumtaliki.
Isaac Kiwewesi ambaye anahudumu kama pasta mkuu wa Kanisa la Kansanga Miracle Centre yuko kwenye hatari ya kupoteza asilimia 50% ya mali yake ya mamilioni ya pesa iwapo koti itatoa maamuzi kwa faida ya mke wake Barbra Sasha Rukundo.
Kwa mujibu wa ripoti ya Uganda's New Vision, Sasha aliwasilisha kesi hiyo ya talaka akisema ni kutokana na tofauti ambazo haziwezi kusuluhishwa zilizoanza wakati mume wake alipoanza kumnyima haki zake za ndoa.
"Amependeza": Mbunge Sankok Aweka Kando Suti yake ya Kijani, Avalia Nyeusi na Kusisimua Bunge
Kulingana stakabathi za kesi hiyo, mama huyo wa watoto watatu anadai kuwa mtumishi huyo wa Mungu alianza kubadilika miaka mitano iliyopita.
Alisema alimnyima tendo la ndoa, alikata mawasiliano naye na kumuathiri kiakili.
Mama huyo anasema mume wake alianza kuwekeza nguvu zake zote katika biashara zake na kumtenga pamoja na wanao.
Masharti ya Sasha
Katika kesi iliyowasilishwa mbele ya Mahakama Kuu ya Kutatua Mizozo ya Familia, mama huyo anataka apewe magari saba, vipande saba vya ardhi, kupewa hisa katika kampuni kadhaa, pesa zilizoko katika akaunti za benki na nyumba iliyoko Kansanga.
Alisema anastahili kupewa nusu ya mali ya pasta huyo na KSh 340,800 kila mwezi za kugharamia mahitaji yake na wanawe.
Sasha pia anataka malezi ya pamoja ya watoto wao watatu wenye umri wa miaka 12, 11, na saba, ambao amehama nao nchini Marekani.
Majibu ya pasta
Hata hivyo, akikanusha madai ya mume wake, pasta huyo alisema amekuwa akitekeleza majukumu yake yote kama mume.
Alimshutumu Sasha akidai amegeuka "slay queens" anayepiga sherehe sana tangu alipohamia Marekani.
Alisema video za Sasha akiwa klabuni zilisambaa mitandaoni na kumsababishia aibu na fedheha.
.jfif)
.jpg)
