UNAWEZA ukashangaa na kujiuliza maswali mengi, lakini ndio ukweli.Siku zinahesabika kabla ya Bernard Morrison ‘BM3’ kurejea Jangwani, klabu aliyokuwa akiichezea misimu miwili iliyopita kabla ya kutua Msimbazi. Winga huyo Mghana asiyeishiwa vituko ndani na nje ya uwanja, kwa sasa amesimamishwa na klabu ya Simba kwa tuhuma za utovu wa nidhamu, huku Yanga ikitajwa ni moja ya sababu ya kuadhibiwa kwake kutokana na kinachoelezwa imekuwa ikimpa kiburi wakati mkataba wake ukielekea ukingoni.
Mkataba wa Morrison ndani ya Simba umesaliwa muda usiozidi miezi mitatu na mabosi wa klabu hiyo wamemsimamisha kwa kudaiwa kutoroka kambini kwa kuruka ukuta, pamoja na kufanya vituko vingine kambini.
Lakini, habari za uhakika zinasema Mghana huyo aliyeondoka kwa kuwakera wanayanga anarejea tena kunako klabu hiyo iliyomleta nchini, baada ya matajiri wa klabu hiyo kumwekea mzigo wa maana ili kunasa saini yake.
.webp)
.jpg)