Mwanamke huyo ambaye alikuwa anaugua saratani ya damu, alipandikizwa seli hiyo kutoka kwa mfadhili ambaye kwa asili alikuwa sugu kwa virusi hivyo
Tangu apandikizwe seli hiyo, mwanamke huyo hajakuwa na virusi hivyo kwa muda wa miezi 14
Mbinu hiyo mpya inalenga kupata matibabu kwa watu wengi zaidi
Wanasayansi siku ya Jumanne, Februari 16, walitangaza ufanisi wao wa kumponya mwanamke wa kwanza virusi vya Ukimwi, VVU, baada ya kumpandikizwa seli shina.
Mwanamke wa kwanza Duniani Aponywa Ukimwi kwa Kupandikizwa Seli Shina
Mwanamke wa kwanza Duniani Aponywa Ukimwi kwa Kupandikizwa Seli Shina. Picha: UGC.
Mwanamke huyo ambaye alikuwa anaugua saratani ya damu, alipandikizwa seli hiyo kutoka kwa mfadhili ambaye kwa asili alikuwa sugu kwa virusi vinavyosababisha Ukimwi.
Tangu apandikizwe seli hiyo, mwanamke huyo hajakuwa na virusi hivyo kwa muda wa miezi 14.
Kesi hiyo, iliyowasilishwa siku ya Jumanne katika Kongamano la Virusi vya Ukimwi na Maambukizi mjini Denver, Marekani, ilikuwa ya kwanza kuhusisha damu ya kitovu kutibu saratani ya damu ambayo ni mbinu mpya zaidi inayoweza kufanya matibabu kupatikana kwa watu wengi zaidi.
"Hii sasa ni ripoti ya tatu ya tiba katika mazingira haya, na ya kwanza kwa mwanamke anayeishi na VVU," Sharon Lewin, Rais Mteule wa Jumuiya ya Kimataifa ya UKIMWI, alisema katika taarifa yake.
Visa viwili vya awali vilitokea kwa wanaume, mmoja mwenye asili ya mzungu na mwingine Latini ambao walikuwa wamepokea seli shina za watu wazima, ambazo hutumiwa mara kwa mara katika upandikizaji wa uboho.
Kesi hiyo ilikuwa sehemu ya uchunguzi mkubwa wa Marekani wa watu wanaoishi na VVU ambao walikuwa wamepokea aina moja ya kupandikiza damu kutibu saratani na magonjwa mengine sugu.
Mwanamume wa kwanza kutangaza hali yake ya ukimwi Kenya aaga dunia
Kwingine humu nchini, Wakenya walipata pigo kubwa kufuatia kifo cha Joe Muriuki, mwanamume wa kwanza Mkenya kukiri kwamba alikuwa na VVU.
Muriuki, aliaga dunia siku ya Jumatatu, Februari 14, katika hospitali moja kaunti ya Kiambu baada ya kukumbana na saratani ambapo amekuwa akipokea matibabu katika Hospitali ya Kitaifa ya Kenyatta kwa miaka miwili.
Inakumbukwa kuwa marehemu aliishi na ugonjwa huo kwa zaidi ya miaka 30.
Muriuki alijitokeza hadharani mwaka wa 1987 na kuthibitisha kwamba alikuwa amepatikana na virusi hivyo.
Baada ya kutangaza kwamba ana virusi vya UKIMWI, Wakenya wengi walijitokeza pia kutangaza hali yao wakisema walitiwa moyo na Muriuki.
Muriuki alikuwa miongoni mwa watu wanaoishi na VVU nchini ambao walikataa kabisa kutumia dawa kwa zaidi ya miaka
.jpg)
