Silaha na vifaa viko njiani kutoka Ufaransa kuelekea Ukraine, huku nchi za Magharibi zikitoa msaada kwa Ukraine katika vita vyake na wanajeshi wa Urusi wanaoendelea na uvamizi wao.
Rais Zelensky ameshirikisha ujumbe kwenye mtandao wa Twitter kuelezea kwamba amezungumza na Rais wa Ufaransa Emanuel Macron mapema Jumamosi asubuhi akisema "siku mpya kwenye mstari wa mbele wa kidiplomasia inaanza".
"Muungano wa kupambana na vita unafanya kazi!" Bw Zelensky aliandika kwenye Twitter.
Siku ya Jumamosi, Bw Macron alichapisha video yake akitangaza: "Vita vitadumu - lazima tujiandae kwa hilo!"
.jpg)
