Rais alipokuwa akiunga mkono wito wa Azimio la Umoja alisema Kenya inatamani sana uongozi dhabiti
Akitangaza kuwa "wakati wa siasa umefika, tunaingia kiwanjani", Uhuru alisema sasa yuko tayari kuingia uwanjani kwa ajili ya kampeni kambambe kwa Uchaguzi Mkuu wa Agosti 9
Azimio la Uhuru lilitangaza kuwa Kongamano la Kitaifa la Wajumbe wa chama tawala (NDC) limeoangwa kufanyika Februari 25
Hatimaye Rais Uhuru Kenyatta ametangaza hadharani anamuunga mkono Kinara wa chama cha Chungwa (ODM) Raila Amollo Odinga.
"Tunataka Hii Azimio": Rais Uhuru Amuidhinisha Raila Odinga Hadharani
Rais Uhuru Kenyatta alikaribisha zaidi ya viongozi 3,000 wa vijana kutoka kote nchini. Picha: State House Kenya.
Mnamo Ijumaa, Februari 12, Uhuru alijumuika na viongozi zaidi ya 3,000 wa vijana katika Ikulu ya Nairobi. Ni katika sherehe hizo ambapo alitangaza kumuunga mkono bosi huyo wa ODM.
Rais ambaye alikuwa amejitenga kwa muda kutokana na siasa za mrithi wake alipendekeza kuwa Kenya itakuwa salama mikononi mwa Raila.
Alisema kuwa "tunataka hii Azimio", akibainisha kuwa Kenya ilikuwa na hamu ya kuwa na uongozi bora, ambao kulingana naye, ungewezekana tu chini ya uongozi wa Raila.
Shairi Tamu la Msichana Nakuru Lamliza DP Ruto: "My Dear President to Be"
"Ndio sisi tunataka hii Azimio ambayo itatuleta pamoja. Kama Jubilee, tunatoka afisini na sasa tunarudi uwanjani," alisema rais huku kukiwa na shangwe kutoka kwa wageni wake.
Uhuru alisema "wakati wa siasa umefika" kumaanisha kuwa ataungana na bosi wa ODM katika kampeni zake za urais kote nchini.
Kwa kuidhinishwa na rais, salamu za maridhiano kati yake na Raila sasa kumedumu kwa muda wa takriban miaka minne tangu kubuniwa katika Jumba la Harambee.
Wawili hao tangu 2018 wameshirikiana na kudumisha urafiki wao licha ya siasa ambazo mara kwa mara zilitishia maisha marefu ya mapatano hayo.
Tangazo la Uhuru mnamo Ijumaa liliashiria rasmi kuanza kwa kongmano la Jubilee ambalo limeratibiwa kufanyika katika ukumbi wa kimataifa wa mikutano (KICC) mnamo Februari 25 na 26 Nairobi.
Mkutano huo utaridhia rasmi azimio la chama kuungana na vyama vingine vya Azimio la Umoja.
Chama cha ODM pia kimepanga wajumbe wake kukutana kwa tarehe sawa na Jubilee lakini katika uwanja wa Nyayo, Nairobi.
Magazeti: Tutawanyorosha! Waiguru Aambia Uhuru Mlima Kenya Ishaacha Mambo yake, Sasa Nyuma ya DP Ruto tu
Awali rais alikuwa amesisitiza kuwa mgombea mwenza atatoka eneo la Mlima Kenya.
.jpg)
.jfif)