Silaa Atamani Aweso Apewe PhD Kama ya Mbunge Msukuma "Anafanya Kazi Nzuri Sana"

Mbunge wa jimbo la Ukonga jijini Dar es Salaam, Jerry Silaa, amempongeza Waziri wa Maji Jumaa Aweso, kwa utendaji wake mzuri katika sekta ya maji na kudai kwamba wale wanaotoa PhD kama aliyopata mbunge wa Geita vijijini Joseph Musukuma, punde na yeye watampatia.

Kauli hiyo ameitoa hii leo Februari 2, 2022, Bungeni Dodoma wakati wa kipindi cha maswali na majibu katika Bunge la 12, kikao cha pili mkutano wa sita.

“Nampongeza kidhati Waziri wa Maji kwa kazi nzuri anayoifanya, Naamini wale ambao huwa wanapita pita kutoka zile PhD kama za Dkt. Musukuma, punde tu watampa Udaktari wa miradi ya maji,” amesema Mbunge Silaa