SIKU hizi wasanii chipukizi nchini Tanzania wanachukua nafasi kubwa katika soko la muziki wa Bongo Fleva.
Anjella wa Konde Gang ni mmojawao ambaye anafuatiliwa zaidi maana yeye na wengine wameingia kwenye soko la muziki na kwa sasa wanatikisa ulimwengu huo.
Hata hivyo, kuna mambo mengi ambayo baadhi ya mashabiki wake wamekuwa wakijiuliza, lakini leo tunakupa mambo matano (5) usiyoyajua kumhusu Anjella;
JINA KAMILI/ UMRI
Anjella jina lake kamili ni Angelina Samson George, lakini mashabiki wake wanamtambua kwa jina la Anjella.
Anjella ana umri wa miaka 21 na ameonesha wazi kwamba hata kama bado ni mdogo kuliko wasanii wengi wa kike nchini Tanzania, lakini ana uwezo mkubwa mno kimuziki.
Bidii na kipaji chake ndivyo vinavyotajwa kumfikisha mahali alipo kwa sasa akiwa amedumu kwenye gemu kwa mwaka mmoja.
Cheti chake cha kuzaliwa kinaonesha aliliona jua siku ile ya Oktoba 3, 2000.
ELIMU YA ANJELLA
Siyo mengi yanayofahamika kuhusiana na elimu au masomo aliyosomea mwanadada huyo kwani tangu ajulikane amekuwa akijuhushisha na muziki wake ila Kuna uwezekano amesoma nje ya nchi kama ilivyo kwa Zuchu ambaye amesoma nchini India.
Anjella alianza kugonga vichwa vya habari mwaka wa 2021. Hii ni baada ya Harmonize kugundua kipaji chake na kumsaini kwenye lebo yake ya Konde Music Worldwide au Konde Gang kama msanii ambaye ana umri mdogo zaidi kwenye lebo hiyo.
NYIMBO ZA ANJELLA
Anjella amefanya vizuri kupitia nyimbo kadhaa, lakini kubwa zinazopimbwa zaidi mtaani ni pamoja na kolabo yake na Harmonize ya Kama, Nobody, All Night na nyinginezo.
MPENZI AU MCHUMBA WA ANJELLA
Kwa sasa ni machache yanayojulikana kuhusiana na mpenzi au mchumba wa Anjella. Hii ni kwa sababu hadi sasa hajawahi kuposti mpenzi wake kwenye kurasa zake za mitandao ya kijamii, badala yake hutumia muda wake mwingi kuutangaza muziki wake.
UTAJIRI WA ANJELLA
Ni mapema mno kuweza kufahamu utajiri wa Anjella kwani ni juzijuzi tu ameingia kwenye muziki. Hata hivyo, zipo stori nyingi mitandaoni ambazo hazina uthibitisho kwamba muziki wake umemuingizia pesa nyingi kwani ameshaonekana kwenye matamasha mbalimbali.
Lakini siyo siri kwamba muziki wake unasikilizwa mno na hii inamanisha anapata pesa kupitia majukwaa mbalimbali ya kuuza muziki mitandaoni.
.jpg)
