Kiongozi Mkuu wa Iran "Ukraine Kuiamini Marekani ni Kosa Kubwa Sana, Wanataka Wauze Silaha tu"

Kiongozi Mkuu wa Iran, Ayatollah Ali Khamenei amesema Ukraine ni Muhanga wa mgogoro ambao umetengenezwa na Marekani na kusema kuiamini Marekani kwenye mzozo unaoendelea kati ya Ukraine na Urusi ni kosa kubwa.

Khamenei amesema Iran inaunga mkono mazungumzo ya amani ya kumaliza vita hiyo lakini imesema ni muhimu mzizi uliosabanisha mzozo huo ukajulikana.

Itakumbukwa Wiki iliyopita China pia ilisema inafuatilia kwa ukaribu mzozo kati ya Urusi na Ukraine na kuilaumu Marekani kuwa inachochea mzozo huo ili iendelee kuuza silaha za kivita kwa Ukraine "Sio sawa kuwanyooshea vidole Watu kwa moto uliouchochea mwenyewe"