MAOFISA wa nchi za Magharibi pamoja Waziri wa Mambo ya Ndani wa Ukraine, Anton Gerashchenko wamedai kuwa jenerali mwingine mwandamizi wa tatu ndani ya Jeshi la Urusi ameuawa nchini Ukraine. Anaripoti Mwandishi Wetu …(endelea).
Taarifa zinasema Jenerali Andrei Kolesnikov aliyetoka katika wilaya ya kijeshi ya mashariki mwa Urusi, ndiye aliyeuawa.
Kupitia akaunti yake ya Twitter Waziri huyo wa mambo ya ndani, amesema ni furaha iliyoje kuthibitisha kuwa Meja Jenerali watatu ameuawa katika mapambano hayo.
Awali jeshi la Ukraine lilisema Meja Jenerali Kolesnikov ambaye ni Kamanda wa jeshi la 29 la wilaya ya mashariki mwa Urusi, aliuawa.
Wachambuzi wa masuala ya kimataifa wamesema uwepo wa viongozi wa ngazi ya juu wa kijeshi ndani au karibu na uwanja wa vita inaweza kuwa ishara kwamba operesheni za Urusi haziendi kama zilivyopangwa.
Mbali na Kamanda huyo, Meja Jenerali mwingine ambaye anaingia katika kundi la viongozi wa ngazi za juu jeshini kuuawa ni Andrei Sukhovetsky aliyeuawa tarehe 2 Machi mwaka huu na kifo chake kuthibitishwa na Rais wa Urusi, Vladimir Putin.
Katika vita hiyo iliyoanza tarehe 24 Februari, mwaka huu inaelezwa kuwa wanajeshi kati ya 2000 hadi 4000 wa Urusi wameuawa.
.webp)
