"Hii ni kama jehanamu Duniani" Miili imetapakaa Barabarani Ukraine

"Hii ni kama jehanamu Duniani". Ndivyo Yaroslav Zhelezniak, mbunge wa Ukraine kutoka Mariupol, alivyoelezea hali katika jiji lake la asili. Na kwa kweli ni hali ya kukatisha tamaa .

Mariupol imezungukwa na majeshi ya Urusi, ambayo yamezuia uundaji wa korido za kuruhusu usambazaji wa misaada ya kibinadamu.

Takriban wakaazi 300,000 wamekwama ndani, bila umeme, maji ya mfereji au joto. Na kadiri chakula na vifaa vya matibabu vikipungua, mzozo unaweza kuwa mbaya zaidi, na watu kuwa na njaa na magonjwa kuenea.

Wakaazi hutumia muda wao mwingi katika makazi na vyumba vya chini ya ardhi huku Urusi ikiendelea na mashambulizi yake ya kudumu dhidi ya jiji hilo kuanzia nchi kavu, angani na baharini, maafisa wanasema.

Picha zinaonyesha jiji likiwa magofu, huku vitongoji vizima vikiwa vimeharibiwa. Meya, Vadym Boychenko, aliniambia wiki iliyopita kwamba zaidi ya 80% ya majengo ya makazi yalikuwa yameharibiwa au kuharibiwa, theluthi moja ya majengo hayo hayawezi kukarabatiwa .

Miili inaachwa barabarani kwani ni hatari sana kuichukua. Inapokusanywa hatimaye, wengine huzikwa kwenye makaburi ya watu wengi, ishara nyingine ya kutisha huko.

Hata jenerali wa Urusi amekiri kwamba janga baya la kibinadamu linatokea katika jiji hilo. Haishangazi, hakukubali kwamba majeshi yake mwenyewe yalihusika na hilo.