Siri Yafichuka..Urusi Waomba Msaada wa Silaha Kutoka China Kuipiga Ukraine

Ripoti mpya kwenye vyombo mbalimbali vikubwa vya habari duniani imesema Nchi ya Urusi imeiomba China msaada wa silaha na wa kifedha ili kuisaidia katika vita yake dhidi ya Ukraine, taarifa hii kutoka The Washington Post na Financial Times imeeleza kwamba Ikulu ya Marekani ina wasiwasi kuwa China inaweza kudhoofisha juhudi za Nchi za Magharibi kuisaidia Ukraine.

Hata hivyo Ubalozi wa China uliopo Washington DC Marekani umesema hauwezi kuthibitisha chochote kuhusu ripoti hizi lakini ukasisitiza kwamba China inaunga mkono juhudi zote za kutafuta amani kati ya Nchi hizo mbili zilizopo kwenye vita.

Baada ya kutoka kwa ripoti hii Mshauri wa usalama wa Taifa wa Marekani Jake Sullivan amesema China itakabiliwa na shida iwapo itaisaidia Urusi kukwepa vikwazo vilivyowekwa na Nchi za Ulaya na Marekani.