Urusi Yaridhia Wanafunzi wa Kitanzania Kutoka Ukraine

Balozi za Tanzania za Stockholm Sweden na Moscow, Urusi zimesema Serikali ya Urusi imeridhia Wanafunzi wa Kitanzania waliokwama kwenye Mji wa Sumy nchini Ukraine watumie mpaka wa Urusi ambao ndio upo karibu zaidi na Mji huo.

Zoezi la kutoa Wanafunzi wote kutoka Sumy hadi mpaka wa Urusi litaratibiwa na Serikali ya Urusi na tayari imeanza mpango wa utekelezaji, Wanafunzi wakifika mpakani, Ubalozi wa Tanzania nchini Urusi utawapokea kwa taratibu zingine za kurejea nyumbani.