Wanajeshi wengine watano walijeruhiwa katika tukio hilo lililotokea Jumatatu alasiri.
Takriban wanajeshi tisa wa Jeshi la Ulinzi la Kenya (KDF) wamefariki baada ya gari walilokuwa wakisafiria kukanyaga kilipuzi katika eneo la Gherille, Gedo nchini Somalia.
Imeripotiwa kuwa wanajeshi wengine watano pia walijeruhiwa katika tukio hilo lililotokea Jumatatu alasiri.
Mauti hayo yalitokea mwendo wa saa saba mchana baada ya lori hilo kukanyaga kilipuzi kilichokuwa kimewekwa kando ya barabara na wanamgambo wa al-Shabaab.
Lori hilo lilikuwa katika msafara uliokuwa umetoka kuchota maji kutoka sehemu moja ndani ya Kenya na lilikuwa likivuka kuelekea Somalia.
Maelezo ya tukio hilo yalikuwa machache na wanajeshi katika makao makuu ya Idara ya Ulinzi hawakulizungumzia mara moja.
Picha za lori ambalo lilihusika kwenye tukio hilo zilionyesha likiwa limeharibika vibaya.
.jpg)
