Bei za Diamond Platnumz, Davido na Buena Boy Kutumbuiza Kimataifa Zatajawa

Know Kwa mujibu wa chapisho toka gazeti la Nation Africa la nchini Kenya, limetaja bei ambazo wasanii Diamond Platnumz, Davido na Burna Boy wanalipwa kutumbuiza kwenye maonesho ya Kimataifa.

Kwa upande wa Diamond Platnumz, wameandika kwamba kwa sasa analipwa kiasi cha ($100,000) zaidi ya TSh. 234M pia waandaaji wakilazimika kumgharamia usafiri wa ndege binafsi.

Vile vile waandaaji wanatakiwa kuhudumia vinywaji ikiwemo Whiskey chupa 12 za Bia, chupa 24 za maji muda wowote, taulo 12 za usoni na mengine.

Burna Boy yeye ametajwa kutoza kiasi cha ($500,000) zaidi ya TSh. Bilioni 1.1 kwa onesho moja la Kimataifa. Pia waandaaji watalazimika kumuandalia ndege binafsi yenye kubeba watu 13, magari 8, basi pamoja na gari la kuwapokea wakiwasili. Vyumba 10 vya kulala vyenye ubora pia eneo la kuvuta (smoking). Chumba chake kinatakiwa kuwa na vinywaji Hennessy, Jack Daniels na Champagne.

Kwa upande wa Davido, yeye alitoza kiasi cha ($300,000) zaidi ya TSh. 700M kutumbuiza kwenye onesho moja nchini Kenya, japo waandaaji hawakulipa na kuahirishwa onesho hilo.