Familia ya muuguzi Mkenya aliyeaga dunia nchini Canada akiogelea na kupeperusha mbashara kwenye mtandao wa Facebook inasema kuwa imeshindwa kuurejesha mwili wake nchini kwa hafla ya mazishi.
Familia ya Nesi Aliaga Dunia Akiogelea Canada Yashindwa Kuurejesha Mwili Nchini
Hellen Wendy alikuwa akiburudika kwenye kidimbwi cha kuogelea alipozama. Picha: Wendy Hellen. Chanzo: Facebook
Ikiongozwa na babake John Nyabuto, familia ya Hellen ‘Wendy’ Nyabuto imezungumza kuhusu kumpoteza mwanao ikisema kuwa bado inang’ang’ana kukubali kifo chake.
Kwa mujibu wa babake, bado wanawaza jinsi ya kuurejesha mwili wake nchini ili kuupa maziko yanayostahili.
“Nimelia tangu nilipopata hii taarifa. Rafiki zake wamekuwa wakipiga simu na kufafanua kilichotokea. Ninashindwa jinsi nitauleta mwili wake nchini. Nimepoteza binti yangu na hakuna kitu ambacho ninaweza kufanya. Sijui gharama ya kuusafirisha mwili wake kuja nchini, uchungu ni mwingi. Ninaomba msaada. Yeye ndio alikuwa mwanga wangu. Nilimsomesha kwa shinda nyingi sana,” mzee Nyabuto aliambia gazeti la the Standard.
Pia soma
Hellen Wendy: Wakenya Waomuomboleza Kisura Aliyekufa Maji Akijirekodi
MAKINIKA: Usikose habari zinazovuma kutoka Kenya. Fuatilia TUKO.co.ke kwenye Twitter!
Kwa sasa mwili wake umepelekwa katika makafani moja jijini Toronto ukisaburi kufanyiwa upasuaji baada ya kuopolewa kutoka majini.
Hellen Wendy aaga dunia akiogelea kwenye kidimbwi
Wendy alikuwa akijirekodi moja kwa moja kwenye Facebook alipokuwa akiogelea Alhamisi mwendo wa saa nane adhuhuri, saa za Afrika Mashariki.
Wakati akifanya hivyo, Wendy alionekana mchangamfu na alijirekodi akijivinjari kwenye kidimbwi hicho. Hakuna mtu mwingine yeyote aliyeonekana karibu na eneo hilo.
"Haya mkoje mliko. Ni saa nane hapa...Nimetoka kazini, Niko kwenye bwawa, naburudika tu," anasikika akisema.
Mwanzoni mwa tukio hilo, Wendy alionekana kuchangamka sana na alionekana kufurahia kuogelea. Alikuwa akiogelea kidogo na kisha kurudi kwenye simu yake na kuangalia watu waliokuwa wakitazama video hiyo.
Wendy aliendelea kujivinjari na kwa bahati mbaya alizama na kufariki dunia. Kamera iliendelea kurekodi kwa takriban saa tatu kabla ya mtu kujitokeza kumsaidia.
.jpg)
