Kiongozi wa kundi la al- Qaeda, Ayman Al-Zawahiri, 71, aliuawa katika shambulizi la ndege isiyo kuwa na rubani lililotekelezwa na CIA
Ayman al-Zawahiri alikuwa kiungo muhimu katika shambulizi la bomu dhidi ya balozi za Marekani nchini Kenya na Tanzania mwaka 1998
Rais Biden alisema Zawahiri ndiye amekuwa akichangia msururu wa mauaji na ghasia dhidi ya raia wa Marekani
Imesalia siku chache kabla ya kuandaliwa kwa kumbukumbu za shambulio la bomu la 1998 uliotekelezwa na kundi la kigaidi la Al-Qaeda katika ubalozi wa Amerika jijini Nairobi mnamo Agosti 7, 1998.
Marekani ilimuua mkuu wa Al-Qaeda, Ayman al-Zawahiri katika shambulizi la ndege isiyo na rubani mjini Kabul. Picha: AFP.
Marekani ilimuua mkuu wa Al-Qaeda, Ayman al-Zawahiri katika shambulizi la ndege isiyo na rubani mjini Kabul. Picha: AFP.
Na sasa habari njema katika operesheni ya kukabiliana na ugaidi ni kuwa kiongozi wa kundi la al- Qaeda, Ayman al-Zawahiri ameuawa, Rais wa Marekani Joe Biden amethibitisha.
Ayman al-Zawahiri aliuawa katika shambulizi la ndege isiyo kuwa na rubani lililotekelezwa na CIA katika mji mkuu wa Kabul, nchini Afghanistansiku ya Jumapili, Julai 31.
Kioja Baada ya Mwanamke Kupatikana Akiishi na Maiti ya Kakake, Adai ni Mungu
Maafisa wa usalama wanaripoti kuwa Zawahiri alikuwa kwenye balkoni ya nyumba wakati ndege isiyo na rubani ilipomrushia makombora mawili.
Rais Biden alisema Zawahiri ndiye amekuwa akichangia msururu wa mauaji na ghasia dhidi ya raia wa Marekani na sasa haki imepatikana na kiongozi huyo wa kigaidi ameangamizwa.
"Haijalishi itachukua muda gani, haijalishi utajificha wapi, ikiwa wewe ni tishio kwa watu wetu, Marekani itakupata na kukuondoa. Hatutawahi kusita kutetea taifa letu na watu wake," alisema Biden na kuongeza kuwa
Daktari huyo wa macho wa Misri, mwenye umri wa miaka 71, alichangia katika shambulizi la bomu dhidi ya balozi za Marekani nchini Kenya na Tanzania mwaka 1998.
Pia alihusika katika shambulio kubwa dhidi ya Marekani yenyewe mnamo Septemba 11, 2001, ambalo lilisababisha vifo vya karibia watu 3,000.
Ayman al-Zawahiri alikuwa kiungo muhimu wa kundi la al-Qaeda alichukua uongozi wa kundi hilo kufuatia kuuawa kwa Bin Laden Mei 2011, na vikosi vya Marekani.
William Ruto Amwambia Rais Uhuru Aache Kumlima Kwa Sababu ya Raila
Zawahiri alijulikana kama mtu wa karibu wa Bin Laden na daktari wake wa kibinafsi.
Sawia na Bin Laden, alitoweka baada ya mashambulizi ya Septemba 11, 2001, akinusurika majaribio ya kumuua na kuibuka tena baada ya ripoti kwamba alikuwa tayari amefariki.
Ripoti ya Umoja wa Mataifa mwezi Julai ilisema kwamba hivi karibuni Zawahiri alionyesha "kuongezeka kwa faraja na uwezo wa kuwasiliana" na washirika wa karibu katika utawala wa Taliban.
Zawahiri hakuwa na uwezekano wa kuanzisha mashambulizi ya kimataifa katika muda mfupi ili kuepuka kuaibisha uongozi mpya wa Kabul, ripoti hiyo ilisema.
.webp)
.jpg)
