Dar es Salaam. Mvua kubwa iliyonyesha maeneo ya Mbezi beach, Goba na Kinzudi jijini Dar es Salaam kuanzia asubuhi ya leo Jumanne, Agosti 23, 2022 imesababisha kuchelewa kuanza kwa kazi ya Sensa ya Watu na Makazi katika maeneo husika
Akizungumza kwa simu akiwa nyumbani kwake, mmoja ya wajumbe wa nyumba 10 shina 2 mtaa wa Kinzudi, Mohamed Kilibe amesema wao walifanikisha hamasa kwa waanchi wao na wapo tayari kuwapokea makarani.
Amesema mpaka inafika saa 3 asubuhi kutokana na hali ya hewa kuwa na mvua ni vigumu kusema tutaanza saa ngapi huku akiwataka wananchi watulie majumbani ili makarani wakifika wawakute.
Kwa upande wake, mmoja wa wakazi wa eneo hilo, Mariamu Sungura anayejishughulisha na uuzaji wa samaki na nyama za kuku amesema anasubiri mvua ikatike aende kwenye shughli zake kama makarani wakija basi ataitwa kwani sehemu anayofanyia biashara sio mbali na nyumbani kwake
.jpg)
