Mwanamuziki Juma Jux Afungua Duka la Pili la African Boy maeneo ya Kariakoo

African Boy, mwimbaji @juma_jux ambaye kwa sasa anafanya vizuri na wimbo wake "Nice (Kiss)" amefungua duka lake la pili la nguo za 'brand' yake African Boy maeneo ya Kariakoo jijini Dar es Salaam.

Akiongea kwenye Instagram Live jana Alhamisi, amesema duka hilo limekamilika kwa asilimia kubwa na hivi karibuni atafanya uzinduzi.

Jux ambaye ni mbobezi wa biashara ya mavazi nchini, duka lake lingine kubwa la bidhaa zake lipo maeneo ya Sinza Afrika Sana jijini Dar es Salaam, na alifungua duka hilo mwezi Disemba mwaka jana.