Skendo ya Paul Pogba Kutaka Kutapeliwa na Kaka yake wa Damu, Aripoti Polisi

Paul Pogba ameripoti Polisi juu ya kutaka kutapeliwa na Rafiki zake wa karibu na Kaka yake wa damu, Mathias Pogba ambapo uchunguzi wa suala hilo unaendelea hivi sasa.

Stori yao ni ndefu sana ila inasemekana Mathias na Rafiki wa utotoni wa Paul wanamlalamikia kuwa hawasaidii kwa chochote kitu ambacho Pogba anakipinga na amesema wazi kuwa mara zote amewasaidia.

Inasemekana kuwa wakati wapo jijini Paris walimchukua Pogba na kwenda nae sehemu wakimlazimisha awape kiasi cha Pauni million 13 mbele ya watu wawili wenye silaha, kwakuwa wamekuwa wakimlinda mara zote bila yeye kujua, kitu ambacho kilimshangaza Pogba.

Mathias ambaye ni Kaka yake aliwahi pia kurekodi video na kusema atawaambia dunia juu ya Pogba ambaye watu wanamwona kama Staa, huku wakisema aliwatuma waende kwa Mganga ili amroge Kylian Mbappe.

Mengi yamejiri kuhusu sakata hilo na inasemekana haya yanakuja baada ya Pogba kumtimua nyumbani kwake mmoja kati ya Rafiki zake ambaye aliiba kiasi cha Pauni 200,000 kwenye kadi zake za benki.

Tayari uchunguzi juu ya Matapeli hao umeanza na Pogba amekuwa akitoa ushirikiano mzuri kwa mamlaka.