Wanawafalme William na Harry.
Wanawafalme William na Harry watatembea pamoja nyuma ya jeneza la Malkia katika maandamano huko London Jumatano.
Ndugu, pamoja na Mfalme, watafuata jeneza kwa miguu kutoka Buckingham Palace hadi Westminster Hall, ambapo mwili wa Malkia utalazwa.
Msafara huo utaondoka ikulu saa 14:22 BST na unatarajiwa kufika katika Ukumbi wa Westminster saa 15:00 BST.
Mwili wa Malkia Elizabeth II ulivyowasili Buckingham Palace.
Ibada itakayochukua takriban dakika 20 itaongozwa na Askofu Mkuu wa Canterbury.
Ndugu watatu wa Mfalme – Princess Anne, Prince Andrew, na Prince Edward – pia watatembea kwenye maandamano.
Camilla, mke wa mfalme , na Catherine, Princess wa Wales, watasafiri kwa gari, pamoja na Sophie, Countess wa Wessex, na Meghan, Duchess wa Sussex.
Inakuja baada ya Prince William na Prince Harry, wakiandamana na wake zao, kuonekana mbele ya umati uliokusanyika nje ya Windsor Castle siku ya Jumamosi.
Kikundi hicho kilifika kwa gari moja na kutumia takriban dakika 40 kusalimia waombolezaji na kutazama maua yaliyoachwa kwa bibi yao.
Ilikuwa mara ya kwanza kwa ndugu hao kuonekana pamoja hadharani tangu mazishi ya babu yao, Duke wa Edinburgh, Aprili mwaka jana.
Wote wawili walikuwa kwenye ibada ya shukrani katika Kanisa Kuu la St Paul’s Cathedral wakati wa sherehe za Jubilee ya Platinum mwezi Juni, lakini waliketi pande tofauti za kanisa kuu.
